काठमाडौं । नेपाली कांग्रेसको १५औँ महाधिवेशनमा सहभागी हुने प्रतिनिधिका लागि दर्ता शुल्कसँगै आवश्यक सामग्री र खानपानको व्यवस्था गरिएको छ । महाधिवेशन प्रतिनिधिले दर्ताका लागि ३ हजार ५ सय रुपैयाँ बुझाउनुपर्नेछ ।
दर्ता प्रक्रिया पूरा गरेपछि प्रतिनिधिलाई विभिन्न सामग्री समेटिएको झोला उपलब्ध गराइएको छ । झोलामा गाजाबाट बनेको स्थानीय सामग्रीको झोला, डायरी, पेन, नेपाली कांग्रेसको विधान र परिचयपत्र राखिएको छ ।
महाधिवेशनमा प्रतिनिधिको सहजताका लागि दर्ता शुल्कमै खानपानको व्यवस्था पनि समेटिएको छ । चार दिनसम्मका लागि खाना, खाजा तथा नास्ताको कुपन प्रतिनिधिलाई उपलब्ध गराइएको छ ।
यसअनुसार प्रतिनिधिले छुट्टाछुट्टै खानाका लागि रकम तिर्नुपर्ने छैन । दर्ता शुल्कमा नै महाधिवेशनका क्रममा आवश्यक पर्ने आधारभूत सामग्री तथा चार दिनको खाना, खाजा र नास्ताको व्यवस्था गरिएको हो ।
महाधिवेशनमा सहभागी प्रतिनिधिलाई वितरण गरिएको सामग्रीमा स्थानीय उत्पादनलाई समेत समेटिएको छ । गाजाबाट तयार गरिएको झोलालाई सामग्री बोक्ने प्रयोजनका साथै स्थानीय उत्पादनको प्रवर्द्धनसँग जोडेर हेरिएको छ ।
प्रतिनिधिको परिचय खुल्ने परिचयपत्र पनि झोलामै राखिएको छ । महाधिवेशनका विभिन्न कार्यक्रम तथा प्रतिनिधिको सहभागिता व्यवस्थापनका लागि परिचयपत्र प्रयोग गरिनेछ ।
कांग्रेसको १५औँ महाधिवेशनको उद्घाटन आइतबार काठमाडौंको खुलामञ्चमा हुँदैछ । महाधिवेशनका लागि देशभरबाट प्रतिनिधि तथा पर्यवेक्षक काठमाडौं आएका छन् ।
महाधिवेशनले पार्टीको नयाँ नेतृत्व चयनसँगै आगामी राजनीतिक तथा सांगठनिक दिशासमेत तय गर्नेछ । उद्घाटनपछि निर्धारित कार्यतालिकाअनुसार विभिन्न प्रक्रिया अघि बढ्ने कांग्रेसले जनाएको छ ।
यसपटक प्रतिनिधिका लागि दर्ता शुल्कमा सामग्री र खानपान दुवै समेटिएकाले महाधिवेशन अवधिभर प्रतिनिधिलाई आवश्यक व्यवस्थापन गर्न सहज हुने अपेक्षा गरिएको छ ।
Facebook Comments