काठमाडौं । सम्पत्ति शुद्धीकरण (मनी लाउन्डरिङ) सम्बन्धी मुद्दामा अनुसन्धानका लागि पक्राउ परेका नेकपा (एमाले)का उपाध्यक्ष विष्णु पौडेललाई हिरासतमा राख्ने अवधि पाँचौं पटक थपिएको छ।
विशेष अदालतका न्यायाधीश नारायणप्रसाद पौडेल र उमेश कोइरालाको संयुक्त इजलासले सोमबार अनुसन्धान जारी राख्न तीन दिनको म्याद थप्ने आदेश दिएको हो।
पौडेललाई गत असार ८ गते सुर्खेतबाट पक्राउ गरी काठमाडौं ल्याइएको थियो। त्यसयता अनुसन्धानका लागि अदालतबाट पटक–पटक हिरासतको म्याद थप हुँदै आएको छ।
उनीमाथि सम्पत्ति शुद्धीकरणसम्बन्धी कसुरमा अनुसन्धान भइरहेको छ। अनुसन्धान प्रक्रिया जारी रहेकाले यस विषयमा थप कानुनी प्रक्रिया अघि बढ्ने अपेक्षा गरिएको छ।
Facebook Comments